Alakamisy 27 Novambra 2025
Koa miambena ianareo, fa tsy fantatrareo izay andro hiavian’ny tompon-trano, na ho hariva, na ho mamatonalina, na ho maneno akoho, na ho maraina — fandrao avy tampoka izy ka mahita anareo matory. Ary izay lazaiko aminareo dia lazaiko amin’ny olona rehetra koa : Miambena. Marka 13:35-37
Tonga misasakalina ny Tompo
Tonga misasakalina ny Tompo :
Tony sy mangina ny zava-drehetra.
Sambatra izay efa niomana, miandry
Ny fiverenany azo antoka.
Ambarany antsika fa hiverina Izy,
Nefa tsy misy mahafantatra hoe rahoviana ;
Tsy maintsy tsarovana tsara anefa izany,
Satria ho avy tsy mampilaza Izy.
Mahatoky ve ianao ao an-tranony ?
Miandry ny fiverenany ve ?
Hanontaniany anao ny anton’izany :
Vonona ho amin’izany ve ianao ?
Nitia ve ianao ? nanome ve ?
Nizara ve ? namela heloka ve ?
Voaomana ve ny fanilonao ?
Mirehitra ve ny jironao ?
Ry foko, aoka ianao ho mailo mandrakariva,
Miambena ary aza matory !
Mivonòna amin’ny fiverenan’ny Tompo,
Ilay Mahery sy Mpandresy !
Lehibe ny anjaranao eo anilan’Andriamanitra ;
Ny Fanjakan’ny lanitra
Dia mivoha ho anao : dieny androany
Ianao dia manana ny aina, amin’ny alalan’i Kristy.
Tonga misasakalina ny Tompoko ;
Tony sy mangina ny zava-drehetra.
Sambatra aho, efa niomana, miandry Azy,
Matoky, mahazo antoka, tony.
Yves Kéler