Talata 12 Mey 2020
Raha miaiky ny fahotantsika isika, dia mahatoky sy marina Izy (Andriamanitra) ka mamela ny fahotantsika. 1 Jaona 1:9
Mankanesa eo amin’Ilay mamela heloka,
Avia, ianareo izay very fanantenana ;
Ho an’ny ory no nanolorany ny tenany,
Te hamonjy ny olom-bery rehetra Izy.
Ny rany nalatsaka ho an’izao tontolo izao
No hany afaka mamafa sy manadio
Io fahotana tsy hain’ny ranomasina lalina
Sasana na saronana io.
Mankanesa eo amin’Ilay manarina,
Avia, ianareo izay latsaka ambany dia ambany ;
Raha heverinao ho nofinofy ny famonjena,
Dia aminao indrindra no anatsorany sandry.
Ilay vehivavy mpanota nitomany
Dia nomeny famelan-keloka avy amin’Andriamanitra,
Ilay jiolahy teo ambavahoana
Dia tsy niala maina raha nitalaho.
Mankanesa eo amin’Ilay mampionona,
Avia ! fa fantany ny fangirifirianao,
Hainy, amin’ny alalan’ny teniny masina,
Ny manalefaka na mamafa tomany.
Fantany ireo tebiteby rehetra manjo antsika,
Satria Izy efa nijaly voalohany.
Toy ny efa nahalatsa-dranomaso Azy,
Dia hainy koa ny mamafa ireny.
E. Henchoz